拍吳鎮宇壓力大 洪卓立：氣場好勁！

歌手洪卓立昨日到電台拉票，自言有信心攞獎，但最近忙拍電影，故對歌手身份感陌生：「拍戲要化深色妝，又要留鬚，睇落似番正常人，但極度唔適應。（戲外都想變黑？）試過好多方法，曬燈又搽黑鬼油，都好快白番，所以放棄咗。」新戲是警匪片，飾演便衣探員的他，跟前輩吳鎮宇有最多對手戲，坦言感壓力：「佢私下好Nice同好為食，成日講邊度食嘢，但佢氣場好勁，又好專業！（聖誕節冇假放？）要拍TVB嘅《逆天奇案》。（唔開Party識女友？）開工好啲！」