搵精子銀行Aka想生混血B

女子組合Super Girls(SG)隊長Aka前晚出席電台活動,她希望來年推出個人快歌,更為此到韓國進修跳舞。問SG是否不再合體?她說:「唔係呀!聖誕節有商場騷,Fans知道都好開心,我哋有半年冇合體公開演出。」

講到已為人妻的Jessica若懷孕就不能跳舞,Aka即說:「如果佢有咗,一定要講,我會保護佢!不過佢仲有去玩機動遊戲,所以唔係,但我今晚會喺Group度講『Jessica,如果有咗,要講畀我哋聽。』」並揚言很期待Jessica生BB,大讚夫婦兩都是靚女靚仔,BB一定靚。最抵死是Aka說:「我都想生個女,不過我做定最壞打算,如果真係冇人要,我會去美國搵精子銀行,跟住生個混血BB,因為媽咪鍾意Mix!」