Heidi搵筍盤瞞婚

Heidi是隊中第三個單飛出Solo歌，講到好與壞，她說︰「好嘅係一個人排舞會快好多，但乜都得自己就好唔慣，以前可以互相依賴、分擔，依家要一個承受晒。不過，如果依家唔試就冇機會再試，到我人老珠黃都冇可能再扮靚靚出嚟跳舞啦！」

自認工作狂

新歌《Be True》反應不俗，令Heidi十分開心，加上去年榮升老闆娘搞時裝生意，身兼歌手、演員、老闆幾職，坦言分身不暇，自己又性急，無形間增添壓力︰「我係個工作狂，最怕悶，想嘗試好多嘢，之後仲想學油畫調劑心靈。」

Heidi身兼多職，係叻女。

等緊好友Jessica（左）介紹好男仔。

時裝發大嚟做

SG眨眼成軍7年，隊友Jessica剛加入人妻行列，Heidi卻不心急︰「如果結婚，我可能會結完先宣布。（閃婚？）咁又唔會，但未必會咁高調，依家都未有伴。（要求好高？）好簡單咋，只要專一、錫我、身高有1米80就得，Jessica話會介紹台灣男仔畀我識，佢老公喺香港都有朋友，可以認識吓。」

自家時裝品牌創立一年，Heidi當初跟拍檔每人投資6位數字，今年再「加碼」發大來做︰「今年品牌搞得大型少少，不停要開會，今次加入新元素，都係休閒服為主。（有賺？）拍檔話第一年做冇蝕錢已經好叻，同埋冇諗住賺大錢，純粹為興趣去試。」

場地：軒琴居