黃心穎於今年4月16日被爆背男友馬國明偷食人夫許志安，自此被「雪藏」絕迹人前，「人間蒸發」近8個月，才再次現真身面對大眾。但其實她早前連番「試水溫」，「溶雪」有迹可尋！
4月16日，許志安舉行記者會聲淚俱下道歉，直認「做咗一件不可彌補不被原諒嘅事」、「我係一個壞咗嘅人」等，並宣布暫時停工。而心穎於翌日透過社交網發文認錯，指「做了非常錯誤、難以令人原諒的事」，坦言無法面對自己和男友馬國明。
馬國明現身電視城開工時受訪為心穎護航，指事件中牽涉的任何一個人都受到傷害，希望大家能高抬貴手放生對方。及至7月，他接受本報專訪時親證已與心穎分手，降呢做朋友。
無綫方面下令全面掟心穎入雪櫃，其演出劇集、演唱的劇集主題曲等一律抽起，有份參演的劇集《法證先鋒IV》亦易角重拍，她敗走美國避世。
10月《牛下女高音》獲解封成為台慶劇，心穎曾以短訊聯絡劇集監製，並在上月劇集播放近尾聲，三度網上發文「試水溫」。而其主演劇集《堅離地愛堅離地》率先於11月已在馬來西亞及新加坡播放，《丫鬟大聯盟》亦安排於本月底在港播出，成功「解凍」。