黃心穎避走美國多時，圈中好姊妹都不知她返港，不過看新聞見到心穎喊，她們都表示很心酸。與心穎屬姊妹兼齊齊拍劇集《丫鬟大聯盟》的湯洛雯，坦言心穎沒告知她返港：「其實我都唔知佢返嚟，亦唔知公司會唔會安排我哋一齊做之後嘅宣傳，我覺得依家應該畀少少空間佢，佢都係啱啱返到嚟！睇新聞見到佢有喊，都有啲心酸，希望大家畀啲空間佢！」
而莊思明受訪時說：「我都係睇新聞先知心穎返咗香港，我諗呢段時間都係畀啲空間佢陪吓屋企人同休息吓先，等佢覺得ready見朋友先去探佢，唔好逼佢。」問到之前有否聯絡在美國的心穎？她說：「之前佢喺美國，我都有聯絡過佢，有傾過閒偈，但冇刻意問佢其他事，今次佢返香港，我諗都係畀啲時間佢陪咗家人先，之後嘅事之後再算啦！」