林欣彤顧住自己 懶理許廷鏗「失戀」
歌手林欣彤（Mag）昨日到天水圍出席活動，即場獻唱之餘，又與歌迷玩遊戲。講到好友胡鴻鈞被爆與蔡思貝秘撻，她笑說：「唔知。（關心吓佢？）好少八卦人哋嘅事，唔關我事。（有冇聽過佢提起蔡思貝？）冇乜。（祝福佢哋？）會祝福好朋友。」提到胡鴻鈞被爆戀情後，其同性密友許廷鏗近日黯然發文抒發情感，Mag即笑說：「佢習慣行感性路線。（有聯想？）一定唔關事，佢習慣Chok，配合佢嗰啲好Moody嘅相。」問到可會關心許廷鏗？她即笑指沒時間，直指近日不問世事，只關心月底舉行的演唱會！
聖誕閉關備戰
Mag現時忙於籌備演唱會，連聖誕節亦不會約朋友慶祝，下星期就開始備戰：「兩星期前就要閉關。（要Keep Fit同練歌？）係呀，其實不嬲都有嘅。（要減幾多？）冇明確減幾多，最緊要健康，我平時有做運動，跑步同瑜伽。（要練好把聲？）相信有健康嘅身體，就可以Keep到把聲。」問到可擔心演唱會受現時社會氣氛影響，或要被迫取消？她坦言：「有心理準備，但會當如常舉行嘅心態備戰。（有兩手準備？）等公司安排，如果取消，希望遲啲再開番。」
