大熱MC唔睇負評 George冇人關照
《全民造星Ⅱ》十強參賽者昨日到紅磡拉票，吸引大批粉絲支持，逼爆商場。大熱參賽者MC擔心觀眾因負評而留意他，希望靠努力將負評變為正評，近日亦不瀏覽討論區，避免影響心情。
ViuTV節目《全民造星Ⅱ總決賽》將於12月15日舉行，十強參賽者昨日出動拉票，大批粉絲撐場。大熱參賽者MC（張天賦）坦言擔心網上太多負評：「呢幾日唔睇負評，避免影響心情。」談到其父早前病逝，他說：「對我影響好大，比賽時少好多時間陪佢。最令我心痛係爸爸喺我面前扮冇事，叫我唔使擔心，其實我偷偷睇到佢食藥！好遺憾爹哋睇唔到我入決賽，見證我另一個階段，同埋未能對我放心，因為我仲未兌現到對佢嘅承諾。」
至於George（歐鎮灝）表示最初有信心贏，但看到網上負評如潮後信心動搖，希望透過實際行動回饋粉絲，亦不再看各大討論區。他又否認得到節目監製黃慧君（花姐）愛錫，笑言很怕對方，參賽至今跟她說話不超過十句。
Oscar狂野演出
而Oscar（李祉均）透露決賽當日會有狂野表演，對於獲花姐讚賞，他高呼：「我愛花姐！」至於花姐被問有何心水？她說：「今日嘅心水唔同平時，Oscar嘅表現改變咗我對佢嘅睇法，MC唱得好好，但係需要突破。」提到十強名單惹網民質疑，她強調是評判選擇，又否認能夠左右大局，自嘲只是ViuTV的小職員。