郭富城人駒合一有鬥心

天王郭富城昨日以品牌形象大使身份出席馬場活動，提到近日拉頭馬，他即大讚愛駒「舞士精神」叻仔，又指愛駒性格似自己有鬥心，不停突破難關。對於有傳他以100萬利誘太太方媛追仔，他否認：「我唔知邊度出嚟嘅，佢哋自己創作多過問我意見。我一直都講有兩個女好開心同幸福，暫時冇計劃生。兩個小朋友要花好多時間，我忙工作，太太又要準備佢嘅時裝工作。（唔止100萬？）完全係作，唔係用錢去衡量。（出手冇咁低？）唔係買賣，我覺得得啖笑。（想唔想追仔？）暫時冇呢個意願，話我追仔好荒謬，女有女好，好Sweet，我唔係舊式思想。」