好姊妹黃智雯得個恨字匿埋喊
一眾藝人前晚為無綫慈善節目《善心滿東華2019》出盡力，經過大半晚馬拉松式籌款，最終善款數字為123,888,888港元，汪明荃的「明荃之友會」每年均捐出銀紙花，今次籌得20萬港元，而全晚籌得最高善款的項目為汪明荃、梁兆明演出的粵劇折子戲《德齡與慈禧之母子反目》，籌得4,753,700港元。
黃智雯、錢嘉樂、林盛斌（Bob）等演出趣劇，笑料百出，Bob臉上的道具癦被搬來搬去，嘉樂索性把癦放在其嘴唇上，而嘉樂及胡渭康更強行拉起智雯右腳做一字馬，幸好她有舞蹈底零難度。臨近完騷，情緒高漲的汪明荃於歌手陳嘉茵獻唱時主動為她伴舞。
智雯提到因忙於開劇而未能與「胡說八道會」好姊妹到馬爾代夫旅行，她笑指羨慕好姊妹，要匿埋屋企喊。而歌手JW（王灝兒）對於早前拍了一輯露事業線的性感相，問到男友可有意見？她說：「佢有喺我個社交網留言，話我係一匹唔可以控制到嘅野馬。我唔會成日性感，盡咗！」錢嘉樂對於有指老友陳小春於台灣開個唱要着避彈衣上台，他表示不知情：「小春講嘢唔好信，真係？佢冇講，報喜不報憂，作為朋友都擔心，希望佢平安，我套戲仲要開續集，要5個人一齊再做嘢。」