李家鼎高溫開工險爆血管

藝人李家鼎與譚玉瑛昨日到將軍澳電視城，出席新一輯《阿爺廚房》記者會，兩人會到南海、順德、澳門等地拍外景，李家鼎透露熱到幾乎爆血管：「42℃！雖然下晝四點半拍，但好似入咗麵包爐咁，連機器都唔郁！」譚玉瑛則笑說：「佢熱到成個頭放喺個冷氣機口度吹。」李家鼎即說：「唔係驚中暑，我係驚爆血管！當時見到兩、三個人影，一路咁吹咗十幾二十分鐘。」譚玉瑛透露李家鼎應觀眾要求將菜式化繁為簡，炮製家常菜。