生意急跌！李尚正拒裁員等運到

有「星爺愛將」之稱的香港開電視一哥李尚正，五年多前與友人合資開設牛腩麵店，他日前落舖親自為客人沖奶茶及切牛腩，事事親力親為。他坦言近月本港經濟下滑，生意受影響：「業績下跌六、七成，又未去到蝕，但係有潛質蝕，現階段仲頂得住。」他向員工大派定心丸：「加人工就冇喇，但唔會裁員，唔想將虧損轉嫁到佢哋身上。我哋有七名員工，個個都好幫到手，所以會喺其他地方節流，好似天氣涼咪開少部冷氣，加上業主有減租，一齊共度時艱。」