馮盈盈唔怕被篩組TVB48選秀？

馮盈盈計仔多多，抵佢上位啦！

無綫節目《學是學非》開拍新一輯，除了舊有主持麥美恩、馮盈盈、張寶兒外，更有戴祖儀、陳詩欣及何泳芍三位新血加入。做了三輯的「師姐」馮盈盈表示，見證了很多新朋友加入，現在有九位主持，笑言可挑戰韓國少女時代的級別，她笑說：「可以參考外國選秀節目，組成TVB48，按表現加人或者篩人。（怕唔怕被篩走？）唔怕，有競爭先有進步，大家平時見到我哋好似玩咁，其實好認真。」她透露新一輯節目被安排與小學生玩：「可能做開《#後生仔傾吓偈》，小學生聽完唔識笑，淨係得老師笑，變咗真係『兒童不宜』。」

講到麥明詩與無綫轉合約形式，重投法律界發展，馮盈盈表示支持及祝福對方：「有新嘗試係好事，知道佢鍾意不斷挑戰，佢有呢個決定唔會意外。（麥明詩畀你爬頭，意興闌珊？）我哋係好拍檔、好姊妹，佢係一個有獨立主見嘅女性，唔會受外圍因素或其他人影響，所以絕對唔關我事。」

唱歌焗咪嘴

新加入的戴祖儀被問嘈吵功力如何？她笑說：「同佢哋出完台灣trip我已經聲都冇埋，連唱歌都要咪嘴，老闆本來安排我上節目都要取消，因為失聲，其他商演都冇幫我接，不過呢個係磨練。」何泳芍說：「等你練好啲丹田氣，總有一日可以蓋過麥美恩同馮盈盈把聲。」陳詩欣則指大家很快已昇華變成好姊妹，最friend是同樣單身的戴祖儀。

戴祖儀自爆嗌到失聲，連商演騷都冇得做！

張寶兒（左起）、麥美恩及劉穎鏇繼續留低放笑彈。