傳黎小田病重留院 薛家燕探望憂心忡忡

胡諾言（左起）、薛家燕及陳敏之（右）先後去探望黎小田。

胡諾言指精神唔錯

薛家燕昨午4時許現身醫院，見她落車時神色凝重，憂心忡忡，她承認前來探望黎小田，為免再被記者追問，最後她由秘道離開。前晚她受訪時透露：「小田身體唔舒服，正在休養！」問到病情是否很嚴重？她說：「小田要聽醫生吩咐多多休息。」而陳欣健、資深歌手張武孝（大AL）及陸寶昨日分別出現醫院，問到是否探望黎小田？他們均不願多說，明顯有所避忌。

至於胡諾言、陳敏之先後探望過小田，胡諾言接受電話訪問時表示：「係幾日前，當時佢好攰瞓咗覺，但面色好好，精神唔錯，我哋講靚女話題，佢個身體語言話畀我知佢係聽到。」據小田身邊好友透露，黎小田病情不太理想，不少好友連日來都到醫院探望，包括歌手梁漢文、蘇永康等。

薛家燕抵達醫院時神色凝重。

陳欣健不願多談。