小肥嘆好友太信人 只想佢安全返嚟
歌手小肥和陳慧敏是相識十多年的閨蜜，對於好友在開羅被非禮，他昨日受訪時說：「之前有同佢聯絡，但呢幾日冇，我啱啱先知，唉！聽到梗係又擔心又嬲，會立即打畀佢，我會大聲叫佢『你醒定啲啦』！佢個人太信人，覺得個個都係好人。雖然佢唔係最靚，但女仔都係蝕底，我只想佢安全返嚟。」
他坦言得知Vivian孤身展開100日旅程，由絲綢之路開始，再到新疆、巴基斯坦、印度、杜拜、埃及和尾站意大利時，已多次叮囑她萬事小心：「我叫佢去印度要搵個女導遊陪，同埋唔好一個女仔出街，但佢就夠膽死一個女仔周圍去，佢黐線o架！我覺得一個女仔去旅行係好有理想，但要顧吓安全囉。」Vivian另一好友許廷鏗表示已聯絡對方，指她在安全地方，大家可以放心。他讚Vivian勇敢及堅強，寫出個人經歷，警惕其他人要保護自己。