李靖筠被鬧樣衰負評當動力
演而優則唱的英皇新人李靖筠（Gladys），今年勇闖樂壇爭新人獎，與另一新人林家謙咬住上，據知林家謙是《叱咤樂壇流行榜頒獎典禮》生力軍獎大熱，而Gladys則傳在《第42屆十大中文金曲頒獎典禮》「最有前途新人獎」坐亞望冠，勢均力敵！Gladys大方表示很欣賞對方：「其實見到其他新人出咗作品，都會好興奮、會支持，唔會有『死啦！佢隻歌勁過我』嘅心態。」
她最怕背負別人的期望，覺得「新人」只是一個里程碑：「大家唔會記得容祖兒新人時期拎咩獎，有獎固然開心，但冇刻意諗一定要拎，咁就唔會有不必要嘅壓力，總之對得住自己就得，完全冇諗過要競爭。」去年師姐曾樂彤橫掃多個新人獎，但Gladys不想比較，視對方為榜樣及目標。
不批判別人唱功
出道5年，她對歌手的工作大感新鮮，亦學懂不再輕易批判別人：「以前會評論歌手嘅唱功，但原來上到台，真係有太多唔知點處理嘅嘢。記得第一次上電視唱歌，前奏成十幾秒，都唔知做咩好！」又自爆收到很多劣評，最印象深刻是被鬧「樣衰」：「已經習以為常，但話我樣衰真係好搞笑、好有創意，所以會記住。（唔開心？）我好睇得開，明白對藝人嘅標準會拉高，當係推動力，希望達到大家嘅標準。」
場地：The Stadium觀塘店