江美儀做星媽唔靠打
藝人江美儀昨日帶同愛犬Teddy及Tina為寵物糧食拍廣告，冧莊做代言人的她，獲贈寵物蛋糕慶祝，她笑說：「做星媽嘅目標又邁進一步！（酬勞加碼？）廣告商好好，加咗少少。好老實講，有工作已經好感恩，我一直有工開，好多都低調處理。」
兩隻狗狗非常乖巧，聽從美儀指令全程「不為所動」，又識望鏡頭，可愛到爆！美儀透露經常帶狗狗出街見人，但搞笑說：「冇鞭打、倒吊、毒打咁訓練佢哋，我養嘅第一隻狗係領養，之後哥哥Teddy就學咗佢咁乖，而妹妹Tina又學哥哥，好似傳承落去咁。我畀咗好多時間陪佢哋，佢哋咁定都係有安全感，同埋佢哋知道一曳，我就唔開心。」