美國小天后Ariana Grande日前自稱病咗三個禮拜，前日佢喊住宣布因病而取消當晚肯塔基場騷，仲用沙啞聲音話起身後發覺病況比之前一日差10倍，吞嘢都好痛，完全唔知身體發生咩事，又話好傷心同抱歉要取消演唱會。雖然Ariana病到要吸蒸氣嚟紓緩，但喺片段中就化行妝完全唔似有病。有傳媒仲爆佢病到九彩仲走去紋身，喺手背紋多個圖案。查實佢係紋身狂，全身有45個紋身，其中33個更係去年紋！