康華夜蒲被「執屍」殘廁施暴

醉娃康華投入一蚊Joe懷抱，墮入陷阱！

現場搵「人辦」

雖然是首次合作，但兩人默契十足，康華大讚一蚊Joe風趣幽默：「佢會講定等陣會點做、隻手會掂到我邊個部位，所以好放心。最搞笑係導演一叫Roll機，竟然有一對真嘅醉客入咗鏡，個女仔嘅表現正正就係我要做嘅動作，意外地令畫面更添真實感。」

一蚊Joe被點相

拍攝期間有外籍女生路過，更即時認出一蚊Joe，康華打趣說：「我哋問佢係咪成日喺蘭桂坊蒲，搞到佢有啲尷尬。」拍到「戲肉」時，兩人轉戰附近殘廁「Gathering」，她笑指是首次演出此類戲份，幸而放膽去做，問題不大，導演很快就收貨。她又感激幕後工作人員的貼心：「未埋位前，佢哋預先喺殘廁做晒清潔工夫，令拍攝環境舒服啲。」

康華與一蚊Joe事前夾晒摸邊度，唔怕有誤會。

工作人員事先清潔殘廁，並向康華講解拍攝。