資深動作演員陳星早前離世，享年82歲。當年他拍片無數，60至70年代多拍武俠片，還演出過不少經典電影，如《最佳拍檔》及《山狗》等，與陳星同期出道的姜大偉，得知對方離世大表唏噓，讚他善良好人！
拍片無數的資深演員陳星離世，其太太第一時間通知丈夫好友吳思遠，吳思遠表示：「佢9月4日喺印尼離世，冇病痛嘅，係瞓瞓吓覺走。」又指陳星多年前移居加拿大，近年則在印尼居住，去年曾回港，當時曾透露經濟不太好，吳思遠即與香港動作特技演員公會予以幫助：「當時我哋都冇問原因，即刻幫手，錢嘉樂（公會會長）都即刻幫手，知道陳星走咗，佢第一時間問有冇嘢要幫手。」吳思遠還指陳星育有一子，並且是鋼琴好手，可惜兩年前因癌症離世，當時陳星悲傷不已。
陳星於60年代入行，是武俠電影宗師張徹大導演的第二代弟子，演過《獨臂刀王》、《武師與鏢客》等，與狄龍、姜大偉等同期出道。70年代初，陳星離開張徹後，與吳思遠合作《蕩寇灘》、《餓虎狂龍》等電影，並擔任男主角，因形象硬朗及有兩撇鬍子，獲封為「香港查理士布朗臣」。之後他港台兩邊走，拍下不少動作武俠片，但因電影質素參差，令其事業未能更上一層樓。
至80年代，陳星開始參演其他公司不同類型的電影，包括許冠傑主演的《最佳拍檔》，以及經典Cult片《山狗》等，1996年他息影並移居外地。當年曾跟他合作不少電影的邵音音大表惋惜，讚陳星是好好先生：「佢脾氣好好，善良、簡單，能吃苦，好人一個。」而姜大偉表示：「我以前同佢合作過好多武俠片，好似《十三太保》，佢多數做反派，不過近十幾廿年冇同佢聯絡，因為佢移咗民。（印象中佢係點嘅人？）佢好好人，好大隻，以前合作得好開心，聽到佢嘅死訊好唏噓。」
曾跟陳星合作《山狗》的艾廸說：「Oh！Sorry to hear that！我記憶中，星哥係一個好善良嘅前輩。雖然我同佢唔係好多對手戲，但仲記得當時我有另外一部戲要拍被車撞，佢教我點做會減少受傷機會！願星哥安息。」