余安安撻落水斷肋骨

藝人鍾欣潼（阿嬌）、賈曉晨（JJ）、余安安與契仔凌文龍昨日現身電影《失蹤》首映，安安自爆早前遊船河時撻落水受傷：「右邊斷咗兩條肋骨同裂咗一條肋骨，醫生話要八星期先復原，依家食緊止痛藥。（對日常生活有冇影響？）有啲動作做唔到，着衫要工人姐姐幫手。我平時動作好快，依家要慢落嚟，好似殭屍咁。」同場的JJ表示自誕下女兒後工作量減少，但角色範疇更闊，問到會否再生？她笑說：「我生一個都少咗工作，再生就失業，暫時唔諗住。我鍾意拍戲，生BB順其自然。」