陳琪陪女跳舞減肥

藝人陳琪昨日帶同二女到芭蕾舞學校試跳bungee dance，首次玩的她學得尚算似樣，問到辛不辛苦？她笑說：「如果王君馨嚟跳唔使排練，但就搵我！可能師奶market好大，佢哋話3個月可以減15磅，頭先我跳一跳都成身汗。」身形纖瘦的她表示女士年年月月都需要減肥：「之前去陳山聰婚禮，同成班『Crazy Runner』一齊坐，即刻好自卑，女嘅身材好，男嘅靚仔有型，我就成個師奶仔，老公（胡諾言）話因為我唔做運動，叫我陪佢一齊跑步，我即刻靜咗。」她笑言靠湊小朋友減肥：「我成日話老公係大仔，同埋依家嘅天氣，要成日幫仔女同老公逐個冚被，做媽咪好辛苦。」