差一年就步入30大關的荷里活同志女星姬絲汀史釗活（Kristen Stewart），接受DJ名嘴Howard Stern訪問時自爆已準備好談婚論嫁，計劃與編劇女友Dylan Meyer拉埋天窗！
姬絲汀日前現身電台節目《The Howard Stern Show》宣傳新片《神探俏嬌娃》（Charlie's Angels），向來將戀情保持低調的她罕有爆情事！主持Howard問她可有計劃與女友Dylan Meyer結婚？姬絲汀即興奮爆粗：「絕對會，我真係等唔X切！」並透露準備了求婚大計，希望求得有型，但為了保持驚喜，所以不會公開細節。
姬絲汀又大談與女友的相識經過，指雙方在電影拍攝現場見過面，但6年後在友人的生日派對重遇時，才墮入愛河。她又透露首次示愛時，是三更半夜在一間爛鬼酒吧中，當時女友的友人亦在場。
訪問中，姬絲汀亦提及成名作《吸血新世紀》（Twilight）拍檔兼舊愛羅拔柏迪臣（Robert Pattinson），她指羅拔是其初戀，大讚他是最好的。被問到可有想過嫁給羅拔？她變得吞吞吐吐：「我唔知道，我諗……係呀，我從來冇咁做。我唔係超級傳統嘅人，但同時……每段關係，我從來唔會咁隨意……或者只有一、兩次。我從來唔係隨便嘅人。」