江若琳M到 「事業」自然來

江若琳昨日出席新城派米活動，着錯長袖衫的她大呻笨：「因為夜晚要入無綫，怕冷氣凍咪着長袖衫，唔記得呢個係戶外活動，熱到成身汗。」問到炎炎夏日可會露事業線？她自嘲用push-up bra或黐膠紙都可逼出少少，但自問沒本錢拍性感戲：「我拍性感片應該仆直，冇信心，依家打開報紙，個個女仔啲事業線長到落肚臍。不過女仔臨嚟嗰幾日（經期）都會（胸部）脹啲。（有事業線時就知你係『嗰幾日』？）差唔多啦，係嗰幾日。」