陳煒財政獨立唔急箍醫生男友
藝人賈思樂（Louie）昨日為本月12及13日假文化中心舉行的《賈思樂ME & MY GIRLS in Concert 2019（Part 2）》綵排，同場還有嘉賓陳煒、楊思琦、戚美珍及陳秀雯等。陳煒透露將與Louie合唱《只怕不再遇上》，期間會加插戲份：「首歌女仔係苦情，同個男仔難捨難離。」問到醫生男友可會到場支持？她笑言不會：「我喺屋企練歌，佢聽得太多喇，公開場合保持低調。」對於有傳男友送她千萬基金，她笑說：「冇咁嘅事！（計劃閃婚？）冇，唔係識咗好耐，未去到咁長遠。（視對方為結婚對象？）依家大家好開心。（有冇傾過結婚？）冇，大家唔係好長時間。（會唔會一齊投資？）冇，財政獨立好啲。」
思琦練歌當胎教
至於佗B的楊思琦笑言練歌可趁機胎教，問BB聽到音樂可有郁？她笑說：「有啲反應，Feel到做緊運動。」但依然避談BB性別及幾時出世，只透露是鼠B，並計劃在港順產：「喺香港方便照顧姐姐（女兒），幾個月唔見會掛住佢。」她指女兒知道做家姐很開心：「早幾年佢已經想有個伴，冇咁悶，不過佢未知係細佬定細妹，想畀個驚喜佢。（個女到時會嚟睇騷？）會帶佢嚟，但老公就唔會嚟，佢個人靜。」
而Louie則透露現時每日早上8時起身練歌，練到聲沙，故昨日完成綵排後便閉關5日休息。他又透露演唱會加設對談環節，邀得多年好友李司棋、陳法蓉、吳浣儀及陳敏兒爆其大鑊！