「金宵後遺」機艙聽到BB喊 李施嬅驚墜機

藝人李施嬅昨日擔任電台節目嘉賓，剛從北京返港的她指因劇集《金宵大廈》反應佳，連搭飛機時空姐也叫她的角色名「Alex」：「我都好意外，齣劇因為題材關係喺內地冇得播，但佢哋都可以喺其他渠道睇到，仲好鍾意我個角色。」她笑言自己都離不開劇集效應，因她在飛機上聽到BB大哭，令她心存陰影：「喺劇度，我墮機前全架機啲BB都喺度喊，嗰刻真心驚有意外。」問可因未抽離角色而愛上陳山聰？她即說：「唔會！佢真人同個角色完全係兩個人。」