開騷多「吉」位 乃木坂46：日本當紅女團乃木坂46大前日一連兩日喺上海舉行演唱會，意外地出現咗唔少空位，可能因為票價比去年貴，加上黃牛黨炒飛有關。現場氣氛非常好，成員着中國風服裝，又拎住扇演出，6位成員排出「我們最愛上海」字句，粉絲嗌到拆天！
掛住食唔想玩 Gisele Bundchen：萬聖節就到喇！巴西索名模Gisele Bundchen上周五晚同美式足球球星Tom Brady所生嘅6歲囡囡Vivian，去咗南瓜園提早慶祝，將溫馨合照上載社交網。
見Gisele拎起南瓜大笑，仲話：「班細路好興奮準備整南瓜燈籠，我就淨係諗住好味嘅南瓜瓜子同鬆餅！」