JW「報喜」預告賭城大搞
歌手JW（王灝兒）昨日出席慈善活動，她指早前到布吉旅行跟好友慶祝邁向3字頭，有請攝影師同行，故有IG的激罕泳照，她笑說：「正面影得好遠，影背又露得少。（驚過唔到男友關？）係自己唔想。（私下珍藏性感相？）冇。下年30歲生日想大搞Party，去拉斯維加斯。（當地註冊好方便！）啲人飲醉先會！」
提到客串無綫劇集《逆天奇案》，她透露於劇中飾演楊明的前度，以喊戲為主，大叫好難：「個時間要拿捏得好準，第一次入劇組冇乜經驗，話放飯就真係去食Lunch，但見楊明冇食，仲擔心點解佢唔同我傾偈，原來要喺嗰段時間培養情緒，之後仲要拍，我唔會食飯，坐埋一邊自閉。」