連詩雅二度發育 告別空洞感

連詩雅（Shiga）、林欣彤（Mag）、張寶兒、菊梓喬、周柏豪及吳若希等前晚為無綫慈善節目《善心滿載仁愛堂》錄影，穿露腰裝的Shiga被問到早前於社交網上載比堅尼照晒事業線，她笑指純粹呃Like！

談到較之前豐滿，她說：「拍《使徒行者3》特意收身同練肌肉，磅數係重咗，又做胸肌嘅運動，係飽滿咗！（升咗Cup？）以前着件泳衣好易走光同感覺好空洞，依家係填滿咗！身邊朋友做豐胸療程，都想試吓，可以升啲啲。（男友好滿意？）佢冇乜Comment，但媽咪會叫我食多啲木瓜，希望我二度發育。」

張寶兒水着拍節目

至於張寶兒透露將為《學是學非》第七輯到泰國取景，屆時除了麥美恩及馮盈盈，還有新「是非精」登場，又表示會落水拍攝，笑說：「我哋有是非精專用泳衣，校服咁款。」

將於年底舉行個唱的Mag，則表示努力保養聲線，又指獲不少朋友買飛捧場，提到有演唱會因社會動盪而取消，她希望個唱能順利進行。