徐肇平自己揸煮意唔黐媽咪

GiGi姐的孻仔徐肇平在溫哥華長大，動靜皆宜，最愛畫畫和運動，然而見媽媽經常下廚，耳濡目染之下也愛上烹飪，過往在節目中只見他示範甜品，以為只得「一張刀」，今次經媽媽的平反，才知肇平「周身刀張張利」，GiGi姐說：「佢自細就愛走入廚房睇我做乜，成日問我有咩幫手，當時佢得幾歲，我咪叫佢幫我切洋葱囉，佢即刻走去戴個潛水鏡出嚟切。（咁細就揸刀？）係，佢自細我就畀佢用刀，佢好細心，乜都識煮，西餐更加一流。（節目只見佢示範整甜品！）因為我做節目期間，有個大廚跟住，冇位畀佢做，人手唔想重疊，我咪叫佢整甜品囉！（今次可會加入節目露兩手？）唔會啦，佢依家大個仔，佢鍾意佢還佢、我還我，唔要黐住做！」