宣萱食過翻尋味越洋問功課

GiGi姐煮得一手好餸眾所周知，當年宣萱和胡杏兒都因食過翻尋味而專程請教，而宣萱更試過打長途電話「問功課」。宣萱最近得知GiGi姐的飲食節目將會在myTV SUPER播出，即關心她會否將一款美味雞翼上架？她說：「嗰次GiGi姐曾經煮過畀我食，印象好深刻，好好味，所以有一次要整雞翼畀一班朋友食時，即刻諗起GiGi姐，就打電話向佢請教，但當然冇佢煮得咁好食。（拜師？）佢廚藝了得又好肯教人，我已經好受惠！」
宣萱雖沒有拜師，不過已從黃淑儀身上獲益良多。
宣萱雖沒有拜師，不過已從黃淑儀身上獲益良多。

杏兒難忘極品醬汁

GiGi姐一向好客，分享拿手餸菜，一次胡杏兒到GiGi姐家中作客，有機會試到配合特別醬汁的三文魚刺身，杏兒稱：「GiGi姐親自下廚調製一個辣椒醬汁，用嚟點三文魚刺身，真係好難忘，仲送咗幾本食譜畀我，我老公又鍾意食嘢，有時有啲餸唔知點整，我都會睇番GiGi姐個食譜，其實煮嘢食都好開心！」

胡杏兒下廚為樂，兼可滿足老公口腹之欲。
  • 胡杏兒下廚為樂，兼可滿足老公口腹之欲。