黃淑儀煎紅衫魚開通廚后路

GiGi姐主持的myTV SUPER全新節目《Gi味俱全》，每星期一集，當中的家常小菜絕不花巧，希望喚起觀眾回憶中那份媽媽下廚的味道。首集將來個滋味的「南瓜雞盅」，以簡單易明的方法製作，人人也可享受下廚的樂趣。由於《Gi味俱全》屬網上節目，不受播放時間所限，GiGi姐可詳細把烹調細節及心得與觀眾分享。

呼朋喚友試新菜

拍過不少劇集的GiGi姐，主持《吾湯吾水》、《吾淑吾食》等飲食節目已有十多年，愛下廚的她把家庭排在第一位，故不介意做煮飯婆，其烹飪動力也是源於對家庭的愛。小時候獲父親獎賞了五毫子，從此激發起GiGi姐的鬥志：「年少時家庭環境很好，有司機和工人，後來環境轉差，胞姐做打雜，我就跟隔籬師奶學煮飯，當年只得八、九歲就去街市買餸，最叻係成功煎咗一條紅衫魚，父親獎咗五毫子，60年代已係幾多錢，所以好開心，之後就畀心機學多幾味。直至嫁咗老公劉芳剛後，佢好識讚人，每學咗新菜式，老公就叫鄰近嘅張沖、胡金銓來品嘗，有一份讚賞，就激發出一股鬥心，等如大家買我嘅烹飪書，跟住學而做到，都好開心，呢份滿足，好過贏得獎項！」

高海寧（左起）、MyTV Super Limited營運總裁林桂興、邵氏高層樂易玲及楊明一起到場支持黃淑儀。	只要有新構思湧現，黃淑儀便會立即入廚試煮。	黃淑儀

《吾湯吾水》和《吾淑吾食》成功後，GiGi姐除了推出14本烹飪書外，又教學生和拍網上節目，以她命名的烹飪項目都大受歡迎，便索性以其名義創立個人品牌。在樂易玲拉攏下，邵氏以6位數字價錢購入GiGi姐的入廚節目版權，安排於10月28日在myTV SUPER上架，而頭段更有不少特別菜式示範。

新構思即場發揮

GiGi姐說：「建立自己品牌後，好開心再用自己名字為節目命名，今次用《Gi味俱全》這個名，文武雙全、聲藝俱全我就聽過，但用我名字『Gi』配上『味』字，起初我覺得似乎不甚妥當，請教過一位文學博士，博士話兩個不同個體，將之夾埋為《Gi味俱全》係通嘅，我先放心。（樂小姐誠邀合作？）係呀，佢好有心，我哋傾好耐，今次係同邵氏合作。（版權費高嗎？）大家都好滿意，六位數字啦，唔係多，算係一個新開始。（新菜式？）我有14本書50幾個餸，有排整，今次公司搵到好多贊助，可以作出更好嘅配合，就算要新構思亦可即場發揮，都係一種挑戰。好似我剛拍咗兩味特別菜式，其中一味係午餐肉炒飯，在加拿大時我煮過畀外國小朋友食，佢哋鍾意到不得了！另外有一道韓國人參簡易煮法，一般係建議浸糖水嚟食，但我就用糖水浸後，再放入電飯煲蒸，軟身後再切開，用嚟蒸雞！」

任何食材落在GiGi姐手中，總能創造出一種新煮法，難怪試過她手勢的人，總是形容為美味難忘。

場地贊助：煤氣公司 Mia Cucina 北角陳列室

**頻道、節目或節目內容如有更改，以myTV SUPER最後公布為準。