余香凝晒「拖友」恨嫁
余香凝（Jennifer）與Jessica屬同一間經理人公司，情同姊妹。Jennifer昨晨開完早班，即趕飛台灣飲喜酒，並在機場上載男友視角拖手相：「得你哋有得拖手去台灣咩？我都有啦！」其實是與同公司的陳詩欣、鄧穎堯同行。Jennifer透露此行迂迴曲折：「本來諗住同詩欣飲完留幾日喺台灣玩，點知要趕戲，我飲完要即走。前幾日突然又話唔得，都係飛唔到，我同新娘子講咗嚟唔到，好唔開心，因為難得一家人飛晒過去，好想見證公司嫁女呢件事，好彩後來劇組肯放我走，我咪即飛！」
雖然今晨就返港繼續開工，但Jennifer揚言不醉無歸：「我哋成班鍾意飲酒，Jessica有After Party，我預咗盡興！」好姊妹出嫁，她坦言有顆恨嫁的心：「不過相士話我要到30幾歲先結婚，所以依家做嘢先。我知自己未夠成熟，但都恨嫁。」另外，前晚她為馬浚偉演唱會做嘉賓，開騷前專誠買蛋糕為對方慶生。