許珮榆學風水挽回面子
模特兒許珮榆（Diva）及練荻伽（Mimi）昨日打扮性感，到中環出席電單車活動。Mimi大晒32D豐滿上圍，Diva則不慎露出胸墊，吸引大批龍友喪影。Diva透露近日花6位數跟名師鑽研風水學：「本身有興趣，加上之前選美，貼錯淘汰佳麗覺得冇面，所以的起心肝再學。（幫自己批感情運？）呢個運啱啱入咗，但我要求對方專一，有冇錢係其次。（你露胸墊喎！）多謝提醒，我比較粗心大意。」
Mimi透露正職任牙科護士，問到是否容易「吸客」？她笑言：「唔會，平時戴口罩同埋包到實。（醫生知你兼職？）佢本身對攝影有興趣，平時都會嚟支持。」Diva指Mimi嘴唇厚重感情，加上右邊眼角有癦，很有桃花運。