陳柏宇唔怕音樂會再延期
陳柏宇昨日出席以器官捐贈為題材的微電影首映，他透露現實中有登記器官捐贈：「事前有同太太商量，要尊重個人意願，不過要知會屋企人，太太遲啲都會登記。」
他又稱正忙綵排11月初舉行的兩場音樂會，其中一場的同門群星騷因近日社會問題，已延期一次，問到可擔心再延期？他說：「希望唔好。（蔡一傑同馬浚偉嘅騷先後宣布取消同改期。）冇留意，但又唔會好擔心，因為幾時唱都分別唔大，聽從公司安排。（忙到冇時間湊女？）通常綵排都係幾個鐘。」問到工作可有受影響？他坦言：「有，但咩原因少咗嘢做就唔知，做歌手梗係有呢啲時候，等同於旺季、淡季，錄音嗰陣就會偏向忙啲。」