唐詩詠心急返歸餵奶湊B

唐詩詠與黃德斌昨日在沙田馬場出席2019東方表行沙田錦標「時尚煲呔賽馬日」，兩人聯同東方表行有限公司主席楊明標伉儷、董事總經理楊衍傑伉儷及執行董事蔡國欽主持祝酒及揭幕儀式。

穿低胸連身裙、稍露纖腰的詩詠，行路時小心翼翼，谷出事業線的她似是擔心走光。她指近日收養了一隻小貓咪，每3小時就要餵奶，因此消瘦不少：「隻BB貓仲有12日就兩個月大，每日朝早6點起身餵佢，依家我養咗3隻貓，要輪住餵，好似奶媽！」問到豈不是沒時間拍拖？她未聽完問題就搶答：「係咪生BB？我覺得如果生埋小朋友完全冇時間，其實隻貓係陸永太太畀我。（唔叫陸永介紹男仔畀你？）信得過佢哋咩？我信唔過。」

東方表行執行董事蔡國欽（左起）、黃德斌、香港賽馬會行政總裁應家柏、東方表行主席楊明標伉儷、東方表行董事總經理楊衍傑伉儷、香港賽馬會賽馬業務及營運總監利達賢、唐詩詠及香港賽馬會賽馬事務執行總監夏定安主持	Rosemary晒香肩參與盛事。	栢天男獲選「最佳煲呔衣着大獎」。

心掛掛考慮停工

她續指昨晨於活動前邊化妝整頭邊餵奶，覺得非常繁忙，問到日後會否因生B而停工？她說：「第一年會想照顧佢，真係冇辦法放低。我依家已經好掛住隻貓，何況係BB？」笑言活動後要盡快回家照顧貓咪，社交圈子亦要暫停。問到貓咪會否阻擋其桃花？她笑說：「可能佢係招財貓呢！」單身的詩詠坦言未來男友要過三關：「要問3隻貓，試過帶個男仔返屋企，我Feel到老嗰隻貓『銀仔』唔鍾意，所以一定要佢哋鍾意。」

黃德斌隨緣做馬主

至於黃德斌打煲呔上陣，提到上月是他與太太Joyce結婚一周年，他透露去了日本補度蜜月。問到間中出入馬場，會否考慮做馬主？他說：「我參觀過澳洲嘅養馬牧場，佢哋有專門嘅房間畀馬匹繁殖下一代，光線同溫度都有特定要求，仲豪華過人住嘅房！做馬主就隨緣，睇吓有冇朋友搵我一齊。」

現場星光熠熠，其他出席賓客包括大會的紳裝夥伴Ascot Chang詩閣副董事總經理張奕庭及董事總經理張宗琪、名模Rosemary、名人雷怡暉、歌手陳蕾以及擔任司儀的楊洛婷等，而栢天男則奪得「最佳煲呔衣着大獎」，獲大會送上腕錶作禮物。