藝人邱晴日前與母親食飯慶生，送上自製美人魚蛋糕及按摩器，並將照片上載社交網，網友大讚邱媽媽年輕貌美，母女二人儼如兩姊妹。邱晴坦言很多人讚母親靚女：「啲人話媽咪靚過我，佢啲朋友見到我，佢哋都好愕然，估唔到媽咪有個咁大嘅女，仲要咁高大，有啲人唔信我哋係兩母女，以為我哋係朋友或者兩姊妹，連我媽咪識咗好耐嘅朋友都唔相信我係佢個女！」