李施嬅衰執着拖拉5年
憑無綫神劇《金宵大廈》備受關注的李施嬅，早前接受電台訪問，入行16年的她，談到與鄧健泓的5年情，施嬅直言早知跟對方性格不夾，只是執着未有放棄，她說：「以前我好鍾意談戀愛，覺得有愛情會有安全感，其實佢唔係我鍾意嘅Type，佢好有藝術天分、好細心，當時爹哋生意失敗，有人關心特別易打動嘅。但我同佢唔係好夾，唔應該係一對，5年好多唔開心、負能量，因為我對感情好執着，好難放棄，好多朋友都話我哋冇結果，但都拖拖拉拉咁耐。」
「搵頂得順我嘅人好難」
直至施嬅到加拿大讀書，他倆才分手，再見亦是朋友，她大讚鄧健泓現任太太石詠莉是好女仔。胡說八道會現時只剩下胡定欣、姚子羚和她是單身，施嬅直言偏愛較年長的圈外人，大嘆：「搵個頂得順我嘅人好難！」她同時否認專揀富二代，更戥姊妹着急，說：「定欣係好強、好叻嘅女人，愈叻愈難搵另一半，佢比我強啲、挑剔啲，好想見到佢有另一半；同埋子羚，我好想佢搵到一個值得佢愛嘅人。」施嬅又重提當年為紀念嫲嫲，將李詩韻改名為李施嬅，遭受不少反對聲，更因而得罪人。
