Bob生日又遇騙 老婆最Happy！

藝人林盛斌（Bob）昨日聯同江欣燕及盧宛茵出席慈善音樂會，剛過40歲生日的Bob，獲太太舉行驚喜派對慶祝，他激讚太太犀利，除了夾晒身邊人外，還請來老闆夾計騙他擔任生日派對司儀，直至當晚去到會場見到很多舊同學、朋友，就連蕭正楠、張振朗與小肥都叫來，才知是她的驚喜安排：「太太喺十年前都搞過一次，但就冇今次咁大。（百萬慶生？）唉！使埋啲無謂錢，汗血錢嚟！但係好開心嘅。」Bob又透露兩星期後到太太生日，被問到要否搞個二百萬Party？他說：「等到80歲咪幫佢搞大囉！嗰晚佢仲開心過我，可能成功呃到我，覺得好滿足。」