曾拍攝無綫節目《3日2夜》的藝人陳約臨（Kelly）日前24歲生日，因早前她飛到巴黎工作，故今年選擇留港好好休息兼慶祝：「我只係去咗西貢一間酒店，平平淡淡咁慶祝，因為真係好攰，留喺酒店食吓嘢游吓水，已經好滿足。同埋我唯一嘅要求係生日嗰日食番中餐，唔想再食西餐！」
講到生日願望，她坦言希望努力工作：「希望多啲Job啦，因為買咗樓冇晒錢剩，想多啲唔同類型嘅工作！」