王浩信食住個勢孖詩詠衝擊視帝后
王浩信及唐詩詠為主演的台慶劇宣傳，將接棒被網民捧為「神劇」的《金宵大廈》推出，充滿信心的浩信似乎冇有怕，笑言食住個勢！
藝人王浩信、唐詩詠、張曦雯（Kelly）、馮盈盈及莊思敏等，昨日出席無綫台慶劇《解決師》的造勢活動。相隔一年再有作品推出，浩信感恩能參與台慶劇，希望藉新劇發放正能量。詩詠指雖然與浩信演情侶，卻沒有親熱場口：「係咪好難以想像？因為我哋段情都好複雜，唔容許親密，好艱辛先喺埋一齊，一開始同佢係互相唔鍾意。」
分飾兩角(R)觀眾
問到承接被譽為「神劇」的《金宵大廈》可有壓力？浩信笑言希望繼承氣勢：「過啲（氣勢）畀我哋！（有壓力？）冇諗咁多，希望得到觀眾支持。（新劇有警察元素，覺得唔係咁啱時候播？）呢套劇仲有好多元素，我一人分飾兩角，有老師同埋解決師，後者收Order幫黑幫做嘢。（驚劇情敏感？）盡量做好演員本分，其他嘢就交畀公司處理。」
浩信與詩詠繼《不懂撒嬌的女人》再次合作，加上是台慶劇，問是否鋪路被捧奪視帝、視后？詩詠說：「冇諗咁多，有觀眾支持就已經夠。」浩信亦指：「等新劇播出街，再睇反應先，會做多啲宣傳。」
非頂替李佳芯
以黑色連身裙騷背出場的Kelly，同樣飾演浩信的女友，但戲份集中於前段，之後因發生意外而變成「回憶」，貫穿全劇，她怕醜透露與對方不止一次咀戲：「喺街上面激吻，之前喺《跳躍生命線》都有同馬德鐘錫，不過就Cut走咗，所以今次係出街版嘅螢幕初吻。」又自爆下套劇《踩過界II》與浩信再做戀人：「12月開拍，榮幸加入到第二輯。（驚同李佳芯比較？）都有諗，唔想大家失望。」續指自己是飾演新角色，並非頂替李佳芯。而有份參演《金》劇的她，直言期待播出：「着到打War Game咁，好開心呢個咁爆、咁大膽題材嘅劇集受歡迎。」