泳兒生日開騷買飛好過送禮
歌手泳兒即將於10月16日在Star Hall開騷，正值37歲生日，能以演唱會慶生，泳兒覺得好特別：「有叫歌迷唔使送禮物畀我，買飛入場就係最好禮物。」今次個唱她會着重歌曲、服裝和燈光，雖然最擔心跳舞環節，但她決定向難度挑戰。泳兒又笑言被歌迷投訴得多，今次會多唱自己的歌。
有歌迷不值她仍未能登上紅館，泳兒稱有留意相關留言：「我都希望嘅，大前提做好今次先，經過三年高山低谷，要睇時機，唔係話開就開。」可有妒忌關智斌？泳兒謂：「唔會，係戥佢開心，時機好緊要。娛樂圈有時好奇妙，當你低處時無端端又會極地反彈，要抱住一個唔好放棄嘅心態，自己亦要做好準備先得。」
場地：港島太平洋酒店