王敏奕瞞曾國祥婚前「被姦」
藝人王敏奕（Venus）早前與曾志偉兒子曾國祥在日本結婚，籌備婚禮期間，她與梁漢文（Edmond）拍攝有關性騷擾的新劇，更有超激強暴戲！二人均表示沒跟另一半備案，Venus講到明婚後不介意接拍親熱戲。
王敏奕、梁漢文及張慧儀於ViuTV新劇《假設性無罪》關係錯綜複雜，Edmond飾演有完美家庭的設計師，但背後跟張慧儀曖昧，至於Venus為幫朋友報仇而搭上Edmond。Edmond坦言於劇中與四名女士有親熱戲，笑言上次拍港劇《齊天大聖孫悟空》飾演唐僧，今次終可「大開色戒」。
「佢係導演會明白」
Edmond除了與張慧儀有床戲，更會強暴Venus，他笑言被同事懷疑是否賄賂了監製。Venus則稱拍攝時正與曾國祥（Derek）籌備婚禮，但沒告知對方拍激情戲：「一開始我知道係性騷擾題材，覺得好有挑戰性同有意義，開頭以為電視劇尺度唔會好勁，但意識都幾大膽。（有冇同Derek備案？）之前冇！我拍完有輕輕講吓，佢有問『點解我唔知o架』，但佢係導演會明白。（做咗人妻多咗顧慮？）同以前一樣，我哋都係專業。」而Edmond笑言不擔心被Derek尋仇，亦沒跟太太備案：「因為唔知拍成點，無謂畀大家壓力，我中間有同老婆講吓嘅，咁多年先拍一次。」
張慧儀演出大膽
至於張慧儀飾演風情萬種的女上司，Edmond笑言拍親熱戲要靠對方帶住，而慧儀會在辦公室玩「玩具」自我慰藉，相當大膽！她直言十分考演技，問到拍攝時有否清場？Edmond笑說：「大家留晒喺度，可能想偷師呀！」
場地：九龍貝爾特酒店