演藝人內部籌款助吳博君抗病
去年證實患「漸凍人症」的前藝人吳博君，每月醫藥費超過1萬元，但他現時只能申請傷殘津貼，並未能申請綜援，財政狀況甚有壓力。演藝人協會有見及此，特別開專戶幫他在內部籌款，希望成員隨心幫助。
吳博君夫婦昨日接受訪問，吳太表示一直有位有心人每月資助他們睇醫生：「不過最近冇咗，所以搵演藝人協會幫手，佢哋幫忙搞內部籌款，安安姐（余安安）仲喺社交網Post出嚟，轉載下一度被誤會係搞網上眾籌，但其實唔係。」吳博君則表示身體情況比早前差少少：「拎筷子同碗都冇力！」又指協會有派員慰問，會長古天樂亦幫手打點，令他大為感激，會盡力對抗病魔。