林夏薇食極唔肥有煩惱

藝人林夏薇昨日到銅鑼灣出席健身中心開幕活動，以透視運動服示人，她謙稱身形未夠fit：「做運動反而會密實啲，因為唔夠其他人身材好。」她透露現時體重90多磅，經常有增磅煩惱：「曾經想增到100磅，但我幾難，已經係咁食嘢，半夜都會食一碗飯，平時正餐最少食兩碗！但增完磅好快跌番落嚟！」而她最近參與新劇《逆天奇案》，有傳女主角原屬意胡定欣，她表示沒聽過：「劇組係好有誠意咁搵我，之前講咗我可能要兼顧家人同生意，時間要遷就，佢哋都好配合。」而新店老闆陳偉成（Avis）透露已是第三間分店，今年投資健身中心及美容院，各揼本200萬。