湯怡學法文 巴黎搵男友
藝人湯怡及許靖韻（Angela）昨日出席摺紙藝術活動，Angela表示中學時曾收追求者送的摺紙禮物：「佢摺咗99個心心擺咗喺塊大板度，仲寫住『I love you』，係一份好感動嘅禮物，依家仲擺喺房度。（男仔成功追你？）係呀，係puppy love，發生喺中三。」
湯怡亦稱收過一個追求者用紙摺的鷹：「我諗佢起碼摺咗一個鐘，因為真係複雜。（佢追唔追到你？）冇呀，因為相處到先得，不過有心思好緊要。」又稱下星期將到巴黎出席時裝周，希望認識當地型男。問到是否準備迎接新戀情？她說：「一直都ready，但可遇不可求。（外籍男友都得？）唔介意，大家溝通同相處到就得。」她笑言近期不停物色戰衣，並學定幾句法文。