李旻芳待嫁封后村姑Look過大禮
將於11月5日舉行婚禮的《東張西望》主持李旻芳，近日在娘家過大禮，準新郎黃耀英西裝骨骨現身，惟旻芳反傳統，紮起孖辮以闊身衫配眼鏡上陣，相映成趣。期間黃耀英發表感言，指與旻芳情投意合，感激其家人允許這頭婚事，絕對是一生榮幸。
帶同大量禮餅、海味、紅酒及金器上門的他，還特別為旻芳打造后冠，問是否視太太為王后？他肉麻地說：「佢係Miss Universe，因為佢嘅美麗好似宇宙一樣，不斷咁放大同有壓倒性。」
配襯裙褂圖案
而旻芳則撒嬌指一身打扮由老公構思：「佢話自己係城市人，所以着西裝，我就要相反特別啲，咁我屋企比較舊派，最後就想我咁樣打扮，幾得意吖！（買個金后冠畀你咁特別？）佢話裙褂嘅圖案好靚，唔想畀頸鏈遮住，所以就揀咗呢件頭飾畀我。」
談到婚禮籌備進度，旻芳透露基本上已準備好，僅場地布置尚未確定：「我哋訂咗一堆法國護膚品做回禮，諗住自己貼婚禮貼紙同書籤上去，但依家都未開始整，所以屋企擺咗好多紙皮箱。」
