田蕊妮漏口風開完騷封咪！

田蕊妮為即將舉行的演唱會綵排，未知是否受提早解約的傳聞困擾，一向表現堅強的她突然多愁善感，希望在騷上盡訴心中情，但因時間所限未能如願，又漏口風表示今次可能是最後一個演唱會：「唔知仲有冇機會做！」
田蕊妮自認為食，發夢都掛住打邊爐。
田蕊妮自認為食，發夢都掛住打邊爐。

視后田蕊妮昨日為本月20日在旺角麥花臣場館舉行的《KRISTAL TIN NEW START LIVE CONCERT》進行綵排，開騷日倒數中，心情緊張的她頻說好驚：「好多嘢記，稿、歌詞同結他譜。」又指演唱會時間不夠，所以刪了兩個部分：「個騷Run咗3個幾鐘，觀眾肯睇咁耐，但個場都唔畀我咁耐。（Cut咗兩Part影響大唔大？）唔會，原先我有好多嘢講，一場唔夠，多幾場可以晚晚講唔同內容。（搵定場開Part 2？）唔諗住，做好個騷先，唔知仲有冇機會做！」

快將開騷的田蕊妮，近日頻頻練歌。
  • 快將開騷的田蕊妮，近日頻頻練歌。

期待慶功打邊爐

她坦言要注意飲食Keep Fit，大呻近期食得清淡兼要戒口：「中秋節唔可以食月餅，同埋我發夢打邊爐，可能因為呢排食得太清，想食番啲濃味嘢；又唔敢飲凍嘢，對把聲唔好，今次唱歌加講嘢都幾大挑戰。」又笑言未開騷已期待慶功：「嗰日問同事會去邊度慶功，原來係打邊爐，好開心。」

忍口唔搞飯局

提到傳她與無綫提早解約，阿田再次解釋只是一時感觸：「呢個星期就係《她。她。她的少女時代》嘅結局篇，嗰次係最後一次宣傳，本身想搞結局飯局，但我要忍口同搞演唱會，所以搞唔到，唔知幾時可以再見大家。」續指與無綫的合約去到明年。

另外，講到香港社會近況，有歌手的演唱會被迫取消或延期，她說：「唔緊要，每分每秒都唔同，未發生嘅嘢就唔諗住。（有兩手準備？）冇問公司，我只係關注個騷做得好唔好。」