鄭俊弘難頂稚嫩舊作：想熄電視

鄭俊弘入行十年，不想再渾渾噩噩，望有番作為。

現年35歲的鄭俊弘（Fred）近日接受東網節目《娛場》訪問，入行後飾演過無數角色，惟演藝事業發展平平。至2013年，終於憑無綫唱歌比賽節目《星夢傳奇》成功彈起，轉型為歌手。回想收到無綫10年金牌當日，他驚覺時日無多不敢偷懶，更鼓起勇氣為自己爭取工作機會：「收到個金牌後覺得好大鑊，呢10年自己做過啲咩？之後我約見珍姐（曾勵珍），同佢講我已經Ready好處理更多工作，希望可以畀機會我！」

• 鄭俊弘與何雁詩拍拖，搵到真正的快樂。

戀何雁詩上寶貴一課

在加拿大土生土長的Fred，初拍戲時，最大的困難是語言。他在2003年劇集《英雄．刀．少年》中飾演唐耀宗，是第一個有名有姓的角色，可是重看當年稚嫩的演出，簡直汗顏：「當時講嘢仲有英文口音，唔識睇中文，唔知自己對白講緊咩，隔幾年再重睇，見到好想熄電視！」

感情方面，2017年Fred被指背未婚妻暗撻何雁詩，他直認事業起了一些變化。回望過去，他坦言上了寶貴一課：「我學識咗一段感情係雙方面，感情、愛情係好簡單。之前嘅我好孤單，對世界嘅睇法亦好負面，依家擁有嘅嘢好感恩，係真真正正嘅快樂同好踏實。」