湯寶如屋企練歌囝囝叫停
歌手湯寶如昨日為10月中於麥花臣舉行的演唱會開記者會，問到為何不在10月4日生日開騷？她坦言場館冇期：「今次純粹以歌會友。」又透露騷上會唱4首新歌，但事前不會派台：「朋友都話我咁樣做風險好大，驚觀眾唔知係乜嘢歌，但我希望嗰晚唱晒4首。」
問到想不想出碟？她表示：「就算出，可能會出HiFi碟，因為普通碟只係用嚟擺。」問到囝囝可會撐場？她大呻：「佢講過『應該唔會』，嗰日係平日，佢要返學。其實平時我喺屋企練歌都畀佢叫停，要我返房唱，因為佢唔聽廣東歌，只係聽英文歌。（佢嫌棄你？）惟有趁佢返學先唱，我都慣咗，無論開騷或做主持，佢都好少理。」