舞台恐懼症？周靄兒Roll機就口震

模特兒周靄兒（Julia）是時下的「斜槓青年」（Slash族），身兼模特兒、歌手和私人飛機空姐。貌似楊怡和張曦雯的她，坦言曾獲家人鼓勵選美：「叫過我選港姐同參加新秀，最尾兩樣都冇試。我好矛盾，我係獅子座女仔，本身有領導才能唔怕醜，但又夾喺獅子同巨蟹中間，每逢有想試嘅心，就畀冇安全感嘅感覺拉住，每次上台講嘢就手震、腳震、口震，旁人唔會知道。每次要衝破關口，都掙扎好耐、好辛苦！」她於數年前拍過微電影，即使背熟劇本，一開鏡卻又緊張得咬字不清：「啲朋友話唔明點解我做廣播時咁流利，拍戲就緊張到咁！」